De motu Corporum in Conicis Sectionibus excentricis.
Prop. XI. Prob. VI.
*Revolvatur corpus in Ellipsi: Requiritur lex vis centripetæ tendentis ad umbilicum Ellipseos.*
Esto Ellipseos superioris umbilicus S . Agatur SP secans Ellipseos tum diametrum DK in E , tum ordinatim applicatam Qv in x , & compleatur parallelogrammum QxPR . Patet EP æqualem esse semiaxi majori AC , eo quod acta ab altero Ellipseos umbilico H linea HI ipsi EC parallela, (ob æquales CS , CH ) æquentur ES , EI ,