“But for as moche as som folk ben unmesurable, men oughten for to avoid and eschue fool-largesse, the whiche men clepen waste. Certes, he that is fool-large, he yeveth not his catel, but he leseth his catel, Sothly, what thing that he yeveth for vaine-glory, as to minstrals, and to folk that here his renome in the world, he hath do sinne thereof, and non almesse: certes, he leseth foule his good, that ne seketh with the yefte of his good nothing but sinne. He is like to an hors that seketh rather to drink drovy or troubled water, than for to drink water of the clere well. And for as moche as they yeven thcr as they shuld nat yeven, to hem apperteineth thilkc malison, that Crist shal yeve at the day of dome to hem that shul be dampned.”