Is enterchaunged bothe in him and the.”

“Eke, this is an opinion of some That have hir top ful high and smoth ishore; Thei sain right thus; that thing is nat to come For-that the prescience hath sene before, That it shal come: but thei sain that therefore That it shall come, therefore the purveiaunce Wote it beforne withouten ignoraunce.

“And in this maner, this necessite, Retourneth in his place contrary, againe; For nedefully, behoveth it nat be, That thilke thinges fallen in certaine That ben purveyed; but, nedefully, as thei saine, Behoveth it, that thinges which that fall, That thei in certaine ben purveyed all:⁠—