Exponatur enim vis gravitatis per datam lineam AC ; resistentia per lineam indefinitam AK ; vis absoluta in descensu corporis per differentiam KC ; velocitas corporis per lineam AP (quæ sit media proportionalis inter AK & AC , ideoq; in dimidiata ratione resistentiæ) incrementum resistentiæ data temporis particula factum per lineolam KL , & contemporaneum velocitatis incrementum per lineolam PQ ; & centro C Asymptotis rectangulis CA , CH describatur Hyperbola quævis BNS , erectis perpendiculis AB , KN , LO , PR , QS occurrens in B , N , O , R , S . Quoniam AK est ut APq. , erit hujus momentum KL ut illius momentum 2 APQ , id est ut AP in KC . Nam velocitatis incrementum PQ , per motus Leg. 2. proportionale est vi generanti KC . Componatur ratio ipsius KL cum ratione ipsius KN , &