Defluat aqua de vase Cylindrico ABCD , per canalem Cylindricum EFGH , in vas inferius IKLM ; & inde effluat per vasis marginem IM . Sit autem margo ille ejusdem altitudinis cum vasis superioris fundo CD , eo ut aqua per totum canalem uniformi cum motu descendat; & in medio canalis collocetur Globus P , sitque PR altitudo aquæ supra Globum, & SR ejusdem altitudo supra fundum vasis. Sustineatur autem Globus filo tenuissimo TV , lateribus canalis hinc inde affixo. Et manifestum est per proportionem superiorem, quod quantitas aquæ dato tempore defluentis erit ut amplitudo foraminis per quod defluit; hoc est, si Globus